தீர்த்தச் சிறப்பு

வடகயி லாயத் தெல்லை வயங்கிய பிரம தீர்த்தங் கடன்முறை மூன்று பக்கங் காதலி னாடி யுள்ளும் படர்தரப் பருகி னோர்க்குப் பகர்ந்தநான் மலடுநீங்கும் அடர்தரு பூத மண்ணை யாதியி னலைப்புந் தீரும் வடகயிலாயத்தின் எல்லையிலே விளங்கும் பிரமதீர்த்தத்திலே விதிப்படி மூன்றுபக்கம் ( ஒரு மண்டலம் ) விருப்பத்துடன் முழுகி,அந்த நீரைப் பருகினோர்க்கு நான்வகை மலடுகள் ( பிள்ளை பெறாமை,கருவினுள் அழிதல்,சாப்பிள்ளை பெறுதல்,ஒருமகப் பெறுதல் ) நீங்கும்.வருத்துகின்ற பூதம்,பேய் முதலியவற்றினால் நேரும் துன்பங்கள் தீரும்.